ಅಧ್ಯಾಯ 6 · ಶ್ಲೋಕ 6
ಬಂಧುರಾತ್ಮಾತ್ಮನಸ್ತಸ್ಯ ಯೇನಾತ್ಮೈವಾತ್ಮನಾ ಜಿತಃ |
ಅನಾತ್ಮನಸ್ತು ಶತ್ರುತ್ವೇ ವರ್ತೇತಾತ್ಮೈವ ಶತ್ರುವತ್ ||
ಅರ್ಥ
ಯಾರಿಂದ ಮನಸ್ಸನ್ನು ಗೆಲ್ಲಲ್ಪಟ್ಟಿದೆಯೋ ಅವನಿಗೆ (ತನ್ನ ಮನಸ್ಸು) ಬಂಧುವಾಗುತ್ತದೆ. ಹಾಗೆಯೇ ನಿಯಂತ್ರಿಸಲು ವಿಫಲನಾದವನಿಗೆ ಮನಸ್ಸೇ ಶತ್ರುವಾಗುತ್ತದೆ
ವ್ಯಾಖ್ಯಾನ
ಹಿಂದಿನ ಶ್ಲೋಕದ ವಿಚಾರವನ್ನು ಕೃಷ್ಣನು ಸ್ಪಷ್ಟಪಡಿಸುತ್ತಾನೆ. ಯಾವನಿಂದ (`ಯೇನ`) ತನ್ನ ಮನಸ್ಸೇ (`ಆತ್ಮಾ ಏವ`) ತನ್ನಿಂದ (ಬುದ್ಧಿಯಿಂದ) (`ಆತ್ಮನಾ`) ಜಯಿಸಲ್ಪಟ್ಟಿದೆಯೋ (`ಜಿತಃ`), ಅವನಿಗೆ (`ತಸ್ಯ`) ಅವನ ಮನಸ್ಸು (`ಆತ್ಮಾ`) ಬಂಧುವಾಗಿದೆ (`ಬಂಧುಃ`). ಆದರೆ ಮನಸ್ಸನ್ನು ಜಯಿಸದವನಿಗೆ (`ಅನಾತ್ಮನಃ ತು`), ಅವನ ಮನಸ್ಸೇ (`ಆತ್ಮಾ ಏವ`) ಶತ್ರುವಿನಂತೆ (`ಶತ್ರುವತ್`) ಶತ್ರುತ್ವದಲ್ಲಿ (`ಶತ್ರುತ್ವೇ`) ವರ್ತಿಸುತ್ತದೆ (`ವರ್ತೇತ`). ನಿಗ್ರಹಿಸಲ್ಪಟ್ಟ ಮನಸ್ಸು ನಮ್ಮ ಉದ್ಧಾರಕ್ಕೆ ಸಹಾಯ ಮಾಡುತ್ತದೆ, ಆದರೆ ನಿಗ್ರಹಿಸಲ್ಪಡದ, ಚಂಚಲ ಮನಸ್ಸು ನಮ್ಮ ಪತನಕ್ಕೆ ಕಾರಣವಾಗುತ್ತದೆ.
Banaka ಅಪ್ಲಿಕೇಶನ್‌ನ ಪಾಠ ಮತ್ತು ವ್ಯಾಖ್ಯಾನ.